توثيق حساب كورسيرا للسوريين والسودانين

مرحبا للجميع

بخصوص موضوع توثيق الحسابات للطلاب يلي ماعم تقدر توثق حساباتا لحالا عن طريق منصه كورسيرا، رح احكي شويه نقط مهمه ومفصله تفصيل ممل…

ياريت الكل يقراها ليعرف الأخطاء يلي عم تصير بهاد الموضوع بالتالي الحساب ماعم يتوثق من خلالنا:

( هاد البوست رح حطو مثبت لحتى الكل يقراه)

أسباب رفض التوثيق من قبلنا:

أولاً: تجمع الشباب السوري لمين بيقدر يوثق الحساب؟

نحنا منقدر نوثق حساب الطلاب السوريين والسودانيين فقط الحاصلين على منحه تجمع الشباب السوري لمنصه كورسيرا… فقط للسوريين والسودانيين… طب ليه بس هدول الجنسيتين؟

لأن هي الجنسيتين عليهم عقوبات

ومابيقدروا يوثقوا حساباتون لحالون عن طريق كورسيرا… تمام!!! أي جنسيه غير يلي ذكرتون

ماعم نوثقلون حساباتون نحنا، لأنو بيقدروا يوثقوا لحالون من خلال منصه كورسيرا، ونحنا ما بيحقلنا نوثق حساباتون.

ثانياً: كتابه الاسم والكنيه بالعربي

فوراً يُلغى الطلب( حاطين بالملف أنو الكتابه حصراً بالانكليزي)

ثالثاً: الوثيقة المقدمه للتوثيق لاتثبت أنو الطالب سوري أو سوداني الجنسيه فوراً يُلغى الطلب.

رابعاً: الوثيقه المقدمه بطلب التوثيق تعتبر غير مقبوله في حال:

1. وثيقه غير رسميه ( يعني لازم تكون صادره_ممنوحه_ من جهه رسميه بالبلد)

2. الوثيقه المقدمه بدون اسم أو صوره أو اسم الجهه المانحه الرسميه ( مو مشكله اذا بالعربي بس ضروري الاسم والصوره والجهه المانحه لهي الوثيقه تكون واضحة ومذكورة)

3. الصوره أو الكتابه يلي على الوثيقه غير واضحه !

4. الصوره غير كامله

5. ارسال صوره شخصيه فقط

!!!!!!!!!!!!!!!!!

الوثائق المقبوله لتوثيق الحسابات ( منرجع منقول فقط للسوريين والسودانيين) هي:

- هويه شخصيه ( حتى لو مكتوب بالعربي، بيهمنا وجود الاسم والكنيه واسم الجهه المانحه الرسميه لهي الهويه وصوره، وأنو يكونوا واضحين)

- جواز سفر ( حتى لو منتهي الصلاحيه) بيهمنا مكتوب الاسم والكنيه واسم الجهه المانحه الرسميه وصورة ( أول صفحه من جواز السفر كافية).

- إقامه مؤقته أو دائمه.

- بطاقه نقابيه (حتى لو مكتوب بالعربي، بيهمنا مكتوب الاسم والكنيه واسم الجهه المانحه الرسميه وصوره) مثال: بطاقه نقابه الأطباء تُقبل لأن فيا كل الشروط المطلوبه، بينما بطاقه نقابه المحامين لا تُقبل لأن مافيا صوره.

- بطاقه جامعيه.

- شهادة سواقه.

- إخراج قيد مع صورة ومصدق أصولاً.

- سند إقامه مع صوره ومصدق أصولاً.

بتخيل ذكرنا كل النقط المهمه بموضوع توثيق الحسابات… هي الأخطاء شفناها ونحنا عم نشتغل بتوثيق الحسابات…

نسيت شغله مهمه:

التوثيق حصراً للسوريين والسودانيين فقط… فقط للسوريين والسودانيين

والتوثيق بحاجه مده زمنيه بين دراسه الطلب والوثائق المقدمة وارسالهم لكورسيرا ليتم توثيق الحساب لمده زمنيه تصل لحد ال٣ أسابيع وأحياناً أكثر بشوي ( بتمنى ما تسألونا هاد السؤال

لأن نحنا عم نشتغل بأسرع طريقه ممكنه ومنقدر عليها)

في حال مرور شهر ع إرسالك لطلب التوثيق،وما تم توثيق حسابكم، معناتوا انرفض التوثيق لأحد الأسباب المذكوره فوق… ف ارجعوا قدموا مره تانيه بعد التأكد من كل النقط يلي ذكرتا

كيف بتأكد إذا حسابي اتوثق أو لأ؟