توثيق اسم ولا توثيق هوية؟!
توثيق الاسم: 
معظم الكورسات بتكتفي بتوثيق الاسم من دون طلب تحميل أي وثائق وهاد التحديث صار من فترة شهرين على موقع كورسيرا لتسهيل التعامل مع موضوع التوثيق واستلام الشهادات.
توثيق الهوية: 
عدد محدود من الكورسات بيطلب توثيق هوية وبيحتاج تحميل صورة عن وثيقة باللغة الانكليزية إما جواز سفر او شهادة قيادة وصورة شخصية بدقة عالية حصراً. والطلب من قبل موقع كورسيرا مو من عنا. أحياناً يتم قبول الهوية الشخصية في حال التواصل المباشر مع كورسير شرط ان تكون الوثائق بغض النظر عن نوعها غير سورية. وهي الكورسات هي اللي بتكون جزء من تخصص احترافي مثل المقدمة من غوغل وسيسكو.
كيف بعرف أي نوع توثيق بدي!!
مو كتير صعبة، بس تخلص الكورس ولما يصير لازم تستلم الشهادة بيخبرك الموقع عن طريق الايميل انو لازم تعمل توثيق وبيحددلك نوعو وبيشرحلك كل شي بالايميل اللي بيبعتلك ياه (ليلي بيستعمل التطبيق والمتصفح نفس الآلية).
ما فينا نعرف مسبقاً كل كورس شو بيطلب نوع توثيق، لا حدا يسأل هاد السؤال 
إي بس ترى سوريا عليها حظر!! إي صح، ومن زمان.. ومن خلال المنحة عم نقدر نخلي محتوى محظور عن سوريا متاح للسوريين.. وطلاب المنحة هنن سوريين خارج سورية وداخل سورية وبالتالي مشكلة توثيق الهوية هي فقط مع اللي داخل سورية حالياً بسبب العقوبات على البلد. وبالتالي التجمع ما فيه يحرم الطلاب الباقيين هيك نوع كورسات ويحظرها عن الجميع
هيك الموضوع صار واضح ومنتهي، والبوست رح يضل مثبت بقسم الإعلامات، وعليكن ترجعو إله عند الضرورة.
طريقة التوثيق للنوعين واحدة:
- مندخل لحسابنا على تبويب الإعدادات.
- بس ننزل لمنتصف الصفحة تقريباً في شي رح يكون موجود اما (Name verification) أو (ID verification). ومننفذ المطلوب من كتابة للإسم فقط او من تحميل الوثائق الداعمة.
- بتنتهي الخطوات هون ومنقدر ناخد شهاداتنا بسهولة.
ألا هل بلغت!! 