أولًا، ماهو تحويل الساعات؟
الاجابة:
"تحويل الكريديت" يعني إنك لما تدرس مواد في جامعة أو معهد، وبعدين تروح لجامعة تانية، الجامعة الجديدة ممكن تعترف بالساعات اللي درستها في الجامعة الأولانية وتحسبهالك ضمن المواد اللي لازم تدرسها عندهم. بكدة، مش لازم تعيد دراسة المواد اللي درستها قبل كده.
في المعادلة بقا بناخد كورسات من المواقع وبعد كده نقدم الكورسات للجامعة، وكده مش هنحتاج ندرس نفس المواد في الجامعة. الفكرة هنا إننا بكده نختصر وقت التخرج.
طبعًا، النظام في الجامعة مسموح بيه إنك تعمل معادلة لـ30 مادة دراسية كحد أقصى، ودي من إجمالي 40 مادة مطلوبة للتخرج. الـ30 مادة دول، لو خدتهم كلهم عن طريق المعادلة، ده معناه إنك بتعادل تقريبًا تلات سنين دراسية من الأربعة اللي المفروض تدرسهم في الجامعة.
الحكاية هنا تقدر تقلل من فترة دراستك. يعني مثلاً، لو عدلت 10 مواد هتغطي سنة، هتختصر سنة دراسية. ولو عدلت 20 مادة هتغطي سنتين، يبقى هتختصر سنتين. ولو استطعت تعمل معادلة لكل الـ30 مادة، ده يعني إنك ممكن تختصر تلات سنين دراسية كاملة.
(س2) طيب، أعمل إيه عشان أعادل الساعات وإيه المواقع المتاحة للمعادلة؟
فيه مواقع كتير بتقدم دورات بتاخد منها كريديت وتقدر تستخدمها في الجامعة. منهم موقع Sophia وموقع Coursera. ده بيقدم كورسات في مواضيع مختلفة وبيساعدك تكسب كريديت في الجامعة. Coursera كمان، ده موقع كبير بيتعاون مع جامعات كتير وبيقدم دورات أكاديمية بتساعدك تحصل على كريديت.
أسلم وأسرع وأحسن وأكثر مواد هو موقع Sophia. موقع صوفيا بـ اشتراك شهري سعر الاشتراك 99$ لكن أنا بوفر أكواد 20$ وأحيانًا 50$ في بعض الأوقات لكن الدائم 20$.
موقع Coursera مجانًا عن طريق 3 منح: الدعم المالي، الشباب السوري ومش شرط جنسيتك تكون سوري، منحة كايرون. بس لو هتسجل في صوفيا فأنت هتبقي محتاج عدد قليل جدًا من كورسيرا عشان توصل للحد الأقصى اللي بتسمح بيه الجامعة للمعادلة وهو 30 مادة واجباري تدرسي 10 والـ10 لازم يكونوا مواد إلزامية.
عشان تعادل الكريديت، الخطوة الأولى هي تحديد المواد اللي عايز تحولها.
أولًا، هتعرف ازاي المواد اللي تحتاج تعادليها؟ لو أنت طالب جديد وما أخدتش مواد قبل كده، يبقى مش محتاج تقلق من الخطوة دي، لأني أعرف الـ30 مادة اللي ممكن تتعادلك وهقولك عليهم لما أخلص الكلام.
أما لو أنت درست مواد في الجامعة قبل كده، هنحتاج نعرف إيه المواد اللي باقية ليك للتخرج، ونحدد منها المواد اللي تقدر تعادلها والمواد اللي لسه لازم تدرسها. وده بيتم عن طريق الحصول على التقرير من الجامعة. تقدر تطبع التقرير بالطريقة دي: ...
———————————————————
القسم الانجليزي الخطوات التالية
1-Portal
2- التلات شرط اللي جنب
3- Academic achievement
4-Degree Audit Report
5- تختار من Select تخصصك بكالوريوس او دبلوم وبعدها Run
6-Print
_____________________________________
طريقة طباعه التقرير للقسم العربي
1- البوابة الالكترونية
2-الانجازات الاكاديمية
3-تقرير تدقيق الدرجة
4-اجراء تقرير تدقيق الدرجة
طباعته
____________________________________________
طيب، بعد ما تطبع التقرير، ابعته ليا عشان أنا الأفضل حد يختار المواد اللي تناسبك بالظبط. كدا مش هتاخد مواد زيادة ومتتعادلش أو غير مناسبة أو مش مستوفية. ده جهد تطوعي مني تماما، وكل اللي أطلبه منك هو الدعاء فقط.
او من خلال الملفات اللي هحملها دلوقتي، تقدر تقارن مع تقريرك، أو من خلال الرابط ده بتاع الشراكة بين صوفيا والجامعة، فيه كل المواد.
لما أقولك على المواد اللي هتتعادل والمواد اللي لازم تدرسيها، هنبدأ في مرحلة التسجيل في صوفيا. التسجيل سهل جدًا، هتتفرج على الفيديو ده انا بشرح خطوة بخطوة عملية التسجيل.
بعد ما تسجل في صوفيا هتبدأ في مرحلة الحل، لا تقلق، هشرحلك بالتفصيل، خليك معايا للآخر.
في صوفيا، فيه نوعين من الاسئلة: التشالنج Challenges والمايل ستون Milestone وكمان الاختبار النهائي Final. لكن في مواد معينة، فيها حاجة زيادة اسمها Touchstone، تاتشستون ودي مهمه كتابية وهنعرفكم بتتحل ازاي
هتدخل على المادة وتبدأ بيونت 1، تعمل الChallenges اللي فيه، وأول ما تخلصها، هيفتحلك الMilestone بتاعها. كل يونت، لما تخلص Challenges بتاعته، الMilestone الخاص بيها هيفتح. وأول ما تخلص كل الMilestones، هيفتحلك الاختبار الFinal. تخلص الاختبار وتضغط Submit، وكده تبقى خلصت المادة.
فيما يخص موضوع الـ Touchstone، ده عبارة عن نوع من الأسايمنتات اللي بتكون مهمة لإكمال بعض الكورسات. الأسلوب بيكون مشابه للأسايمنتات في الجامعة، بس بيكون فيه اختلاف في الحجم والتفصيل. يعني انت بتقدم إجاباتك بشكل كتابي وترفعها على المنصة وتستنى تقريباً ما بين أسبوع لسبع أيام لحد ما يتم تصحيحها.
في صوفيا
1- تقدر تسجل مادتين في نفس الوقت، وبمجرد ما تخلصهم، تقدر تسجل في مادة تانية. او تقدر تسجل اتنين تاتش في نفس الوقت ولوخلصتهم من غير ما تنتظر التصحيح تتواصل مع صوفيا يتم اضافة مواد غيرهم
2- نظرًا لإن صوفيا بتسمح بتسجيل مادتين فقط في نفس الوقت، يفضل تسجيل مادة من مواد الـ Touchstone كمادة أولى، ومادة تانية بدون Touchstone. لما يتم تصحيح المادة الأولى، تقدر تبدأ في المادة التانية اللي فيها Touchstone.
3- مفيش مشكلة في الجامعة لو خلصت اكتر من ماده في يوم واحد.
طبعًا. هناك طريقتين لمساعدتك في الامتحانات: استخدام الذكاء الاصطناعي مع شات جي بي تي، واستخدام النماذج اللي بنجمعها. بالنسبة للذكاء الاصطناعي، بتقدر تستخدم شات جي بي تي عشان تفهم الموضوعات وتجاوب على أسئلة الامتحان مباشرة. أما بخصوص النماذج، جروب التيليجرام. الجروب ده فيه عدد كبير من النماذج لصوفيا ، وبنحدثه باستمرار بنماذج جديدة. لو حابب تنضم للجروب وتستفيد من النماذج دي، استخدم الرابط ده مباشرة.
يمكنك أيضًا الانضمام للمجتمع على الواتساب
سؤال: هل تحويل المواد الدرية يؤثر على جودة الشهادة عند معادلتها في دول أخرى؟
في الحقيقة، تأثير تحويل المواد على جودة الشهادة يختلف من دولة لأخرى. في بعض الدول، قرارات المعادلة لا تتأثر بعدد المواد المحولة. أما في دول أخرى، قد يؤثر عدد السنوات الدراسية على قرار المعادلة، خاصة إذا كان هناك معيار معين لعدد السنوات المطلوبة لاستكمال الدرجة العلمية.
لذا، إذا كنت تهتم بمعادلة شهادتك في دولة معينة، من المهم جدًا التواصل مع السلطات التعليمية في هذه الدولة لمعرفة شروط المعادلة المحددة لديهم، وما إذا كان الحصول على الشهادة في وقت أقصر يمكن أن يؤثر على قرار المعادلة. هذا الاستفسار يتطلب تفاعلاً مباشرًا مع المؤسسات التعليمية المعنية للحصول على معلومات دقيقة ومحدثة.
تحويل المواد كويس لإنه بيساعدك تعدي بسرعة في الدراسة. لكن، الأهم هو التجهيز لسوق العمل. لازم تكون عندك مهارات عملية تميزك.
ركز على دراسة الأشياء اللي ليها صلة بمجال شغلك.
كمان، اشتغل على مشاريع جانبية تعطيك خبرة عملية.
ومتنساش تطوير المهارات الشخصية وفهم احتياجات السوق.
أخيراً، خليك دائماً في تعلم وتطوير لنفسك. السوق بيتغير والتكنولوجيا بتتطور، فلازم تكون دايماً محدث معرفتك.
أتمنى الكلام ده يكون مفيد ويكون وضحت لك الصورة بشكل أكبر.
لو عندكم أي سؤال حطوه في الجروب وأنا هكون موجود أساعدكم بمعلومات صحيحة، عشان محدش يديكم معلومات عامة وسطحية ويضيع عليكم وقت كتير بسبب قلة الخبرة.
مكتوب خصيصا لمجتمعات فائدة .